كلمات وعبارات، أفضل موقع عربي - قصيدة شعرية عن اليوم الوطني الاماراتي مكتوبة كاملة

https://www.kalimat1.com/upload/uplo...9029466531.jpg

قصيدة لليوم الوطني الاماراتي

يا نسناسْ الهبايبْ ***** يا الباردْ الذنينْ

تطلب منّي طلايبْ ****** وانا ادعوايه وينْ

دونهْ قطع ونصايبْ ****** ومهلّكات البينْ

حنّت بعض الّركايبْ ****** خشع البكارْ الهينْ

خلوي بالخبايبْ ****** دارت ولدها وينْ

من يختلط في النّايبْ ****** إرغاها والحنينْ

قول المعنّا صايبْ ****** تبع المجفي محينْ

دمع العين العتايبْ ****** منها خلاة العينْ

فرق الولف الحبايبْ ****** ومتابع المجفينْ

أتخايلهم قرايبْ ****** منّي وهم نازينْ

واتحسّب أنّي صايبْ ****** وفي مدراتي ضمينْ

في لفحات الهبايبْ ****** ثرالصّواب امحينْ

خذ م المهار الحايبْ ****** ومن الوحوش العينْ

عين الجريس الدّايبْ ****** وهدايبها زفينْ

ومفرّع م الذّوايبْ ****** ضافي على المتنينْ

عوده لدن الّرطايبْ ****** كالخيزران اللّينْ

معزول ردف وحايبْ ****** ومضمّره فترينْ

كل شيّ له سبايبْ ****** والنّاس المغرضينْ

مدراتي للقرايبْ ****** مدراة خشم أو عينْ

يابوخليفهْ ثايبْ ****** خصّيتك يالفطينْ

إن حدّتنا نوايبْ ****** انته الرّسخ المكينْ

وانته الذرا والحايبْ ****** شمخ عالي ضمينْ

نعم من زايد

كل الطرق تدي الى رومه *** الا النصر دربه ترى واحد

ما يحصله لى مطول النومه *** النصر يبغي من له يجاهد

ومن للعلا ما عمره يسومه *** موته وحياته ما بهن فايد

في ساعه صعبه ومزحومه *** والخيل تجري حيلها بايد

حمدان هو لى طابت علومه *** وعند اللزوم الفارس الرايد

حذوه حصانه طاحت ودومه *** عضدي وغير الحظ ما ساعد

دافعت بعده بكل ما رومه *** وسديت خانه فارس واعد

كانه على عيني غدت خومه *** تمطر بدم وعوقها كايد

والخيل بالخيال محكومه *** ما يحكم القايد سوى القايد

وما يهمنا لى مكثر اللومه *** نبغي مقاله نعم من زايد

اهدي لزايد فوز علومه *** ونفخر بزايد من لنا والد

يا شعبنا بالمسك مختومه *** هديتك والمجد لك تالد

واشواق لك في القلب مقسومه *** لا يقربك عادي ولا حاسد

النفس عادها محكومه وملزومه *** توردك ع المنهل البارد

شعر سمو الشيخ محمد بن راشد ال مكتوم

-------

(( يا مبتدا الدنيا ويا مبتديها ))

أكبر فخر للناس أنك من الناس وأكبر فخر للأرض ممشاك فيها

بي من غلاك احساس مايحده قياس أغلى من الدنيا ومن هو عليها

اسمك مع الانفاس به نرفع الراس نفسٍ يكل نفوسنا نفتديها

انته بشر أو أنت فردٍ م الاجناس ياشمس تنشدّ الكواكب إليها

تبهر من يشوفك ولك قلب حساس منك السعاده للقلوب تعطيها

ياطيب منه الطيب يشرب بلاكاس يامبتدا الدنيا ويا مبتديها

أغلى من الألماس واقطع من الماس نظرتك ماحدٍ يروم يعصيها

كل القلوب جنود حولك وحراس إتمد لك باحلى المشاعر إيديها