![قديم](juole/statusicon/post_old.gif)
01-17-2018, 10:14 AM
|
![الصورة الرمزية وردة امل](image.php?s=a3dc30c0f6387f41e2d5b3005fea2ccc&u=10&dateline=1491969318) |
مدير عام
|
|
تاريخ التسجيل: Apr 2017
المشاركات: 106
|
|
مسرحية مدرسية عن الحيوانات للاطفال مكتوبة
![](https://www.kalimat1.com/vb/upload/2017/288kalimat1.com.jpg)
مشهد تمثيلي عن الحيوانات..نص مسرحي للاطفال عن الحيوانات
الحمار والذئب
الراوي: كان يا مكان حتى كان الله فكل مكان والحبق والسوسان في حجر النبي العدنان عليه أفضل الصلاة و أزكى السلام. كانت غابة أجمل منها ما كان كيعيشوا فيها الحيوانات في أمن و أمان وكان يحكم بينهم واحد السلطان اللي أحكم منه ما كان
الذئب: بلا شك هذه هي الغابة اللي سمعت بها واللي كتعيش بسلام أنا هو اللي غادي ندمر هذا السلام والأمان اللي فهاد الغابة وغادي نخلق الفتنة بين الكائنات ديالها حتى نوصل للمراد ديالي هو نصبح حاكم هذه الغابة الفنية بالأرانب والدجاج ديالها أنا عارف هاد الهدف صعيب ولكن نتعاون مع بعض الحيوانات الساذجة أو المعروفة بالمكر ديالها غادي نوصل للمراد ديالي
الحمار: يا أهل الغابة حكيم الغابة كبشركم و كقول ليكم أن هذه السنة بمشيئة الله غادي تكون سنة كلها أفراح وكلها عمل والحاضر يبلغ الغائب
الذئب: آه هذا هو الحاجب ديال الحكيم السيد الحمار هذا هو اللي غادي يساعدني في الخطة ديالي بالرغم من الإخلاص ديالوا التام للسلطان ولكن أنا ذئب ثم ذئب وما أدراكما الذئاب
الحمار: ...............والحاضر يبلغ الغائب
الذئب: أهلا و سهلا بالأستاذ الحمار أستاذ الكائنات و أمير الحيوانات اللي صوت ديالوا أجمل من صوت العصافير واللي بالصبر ديالوا أحيا كائنات من الممات
الحمار: شكون أنت ؟ واش هاد الكلام المتواضع اللي كتقول في حقي
الذئب: من طبيعة الحال كلام جد متواضع في حقك أسي الحمار
الحمار: و قولي شكون أنت؟
الذئب: أنا من المعجبين جداً بالشخصية ديالك والعمل الكبير اللي كتقوم به لولا أنت أسَي الحمار لما وصلت الغابة لهذا المستوى اللي هي فيه دابا
الحمار: آآآآآآآه
الذئب: نعم بصراحة أنا كنسكن في غابة بعيدة ودائما في اجتماع الحيوانات اللي كيكون عندنا كنضرب المثل بالشخصية ديالك في المثابرة والجد والعمل. وليك السؤال اللي بقا محيَرنا أشنا هي الاستفادة ديالك من هذا العمل كله اللي أحنا كنشوف أنه كيسب في مصلحة السلطان اللي عاطيها غير المكلة و النعاس والمسكين اللي كيجري صباح أ عشية ويحل مشاكل الحيوانات هو أنت.
الحمار:صراحة...حاول أن تتممة القصة من نسيج خيالك.
|