[admin]

 

 

كلمات أغنية سديت بابك للفنانة دموع تحسين

كلمات اغنية دموع تحسين سديت بابك

ماطاب جرحي البگلب ماطاب

والموت احبه ماحسبلي احساب

هوه اني مامكتوبلي ألگة احباب

سديت بابك بالوجه سديت

ياتعبي لمن عفتك اتعافيت

فز اللي مات الها ابن فزيت

لمن هويتك لمن هويتك

قصتي بغرامك عيب ماتنگال

مو راحة حبك چان دوخة بال

اهتميت بيك وشبعتني اهمال

لمن هويتك لمن هويتك

مو گلبي مل بالحيره ظل

وهمومي ماتخلص

وكت الفرح يمي انت بس

بالشده تترخص

ذكرك نسيته ولا هلا بطاريـك

چويت گلبي الچان ميت بيك

من چنت تعطش دمعتي الترويك

واحمل اذيتك واحمل اذيتك

من دفتر العشره انت ذكرك راح

ولميت دمعي اللي بغرامك طاح

بخدودي رجعت ضحكةً المرتاح

لمن نسيتك لمن نسيتك

راحة البعد لا لا ترد

كلشي انتهى بوكته

اعذرني ما نرجع سوه

لو تظل بس انته

يمـي شبقالك وين راجع وين

حبيتك وماتسوة نظرةً عيـن

من الله اجت الفرگة اي همزين

خلصت عشرتك خلصت عشرتك

بس افتهم تحرم سويه نعـود

روحي اني ملت حچيك المعيود

من بالي شلتك والدموع اشهود

خلصت عشرتك خلصت عشرتك

يمي انت اذا صرت الهـوا

لو اموت ماشمك

صرت اني لك حيل اختنگ

من اسمع بأسمك

اغنية سديت بابك
كلمات: محمد الجبوري
الحان: احمد ستار
توزيع وماسترنغ: حيدر كيتارا