قصائد شعر عن العيد الوطني الكويتي

[ريماس]

 

 

شعر عن العيد الوطني الكويتي..57-2018

يابلاد العز يا اطهر بلاد *** في جبينك عز وامجاد وبطوله
ياوطن للشعب حققت المراد *** ياوطن لك شعب هايم في ميوله
حدث التاريخ عنه امراً وكاد *** الكويتي كل مايقوله يطوله
وله اميراً في قلوب الشعب ساد *** يكتب التاريخ عنه اعذب فصوله
الحكيم الداهيه الخير الجواد *** الامير يمناه بالخير محموله

******

حب البلد ما ينتوصـــف بالاشعار
والا المعاني ... والقصايد كثيرة
مهما كتبت وقلت انا .. اطوال ..واقصار
قصايدي عن حب داري ..قصـــــيرة
اخاف اوصفها والاعصاب تنهار
تقصــر تواصـــيفي .. وداري كبــيــــرة
كبــيـــــرة في حبـــــها يا اهل الدار
لو المســــــاحة بالخريطة ...صغيرة
صــارت كبيرة باسمها بين الاقطار
من فضل ربــــــــي ........ والوجيه السفيرة
آل الصباح اللي رعوا كل محتار
كم من فقير ....... بفضلهم زاد...... ...خيره
خلوا بلـــدنا كلها انـــوار ...بانـــــــوار
درة خلــيـــجن بالوصـــــايف شـــهــــيــــرة
الله يعـــديها .. المصــايب ..والاخطار
بامر الـــــــــولي دايم بامان ... وســــــــــتيره *

****

قصيدة عن اليوم الوطني للكويت

ياكويت تفداج الخرايط والاوطان ...

وتهون لامجادج تواريخ وسنين ...

وترخص على شانج توابيت واكفــان ...

ويحـلى على رملج نزيف الشرايين ...

ياكويت حنـا للشدايـد والاحزان ..

جينا عشان نموت وانتي تعيشين ...

كرامتج تبقى وتحفظ وتنصان ...

وان ضاعت نفوس العرب وماتضيعين ...

اللـه خلقنـا للعداوات عدوان ...

وصـدورنا تبرى بطعـن السكاكيـن ...

ولو ضرب حسـادج يزعزع بالابــدان ..

حنــا بضربـه نقسم الجمع نصين ..

وان كانهم وسط الميادين قشران ..

حنا القشــر فينا بليا ميادين ...

واذا الحميه فيهم حميه اخوان ...

حنـا حميتنا حميــه مجانيـن ...

للهـرج ميـدان وللافعال ميـدان ...

وللمجد درب وللشهــامه عنــاوين ...

وللفخــر ناس وللتواريخ بيبان ....

وللموت سوق وللتجارب براهين ...

*******

ابيات شعر عن العيد الوطني للكويت

العيـد عـاد وكلنـا بـه سعيـديـن
عسى نعـوده كـل عـام بالأفـراح
**
يالكويت جعلك يـوم عيـدك تهنيـن
بظل الصباح اللي سعولك بالاصـلاح
**
في ظل صباح والشيـوخ الصخييـن
تبشـري فـي المعـزه والأفــراح**

الشعب بسياسة هل الـرأي راضيـن
حكمة وحلم وعلـم والظلـم منـزاح**

أرسـو قواعدهـا وحطـوا قوانيـن
وعـم الفـرح ببلادنـا والسعـد لاح**

ومن عدلهم أهـل البلـد مستقريـن
وتفتحـت أبوابهـا لـكـل ســواح**

صارت لنا جنـة ومثـل البساتيـن*
الشعب فـي ظلـه سعيـد ومرتـاح**

وصارت كما الدره بوسـط البلاديـن
من طيب حكامه كثـر فيـه الاربـاح**

يا ما واصرفوا لجله ألوف وملاييـن
حتى ارتفع صيته كما البـرق يـالاح**

حتى اشتهر اسمـه بكـل المياديـن
بين الامم صوتك كما البـدر وضـاح
**
وتزخرفت مثـل عـروس المزاييـن
بظل الصباح وصارت أيامهـا أفـراح
**
ياما حموها مـن وجيـه الشريريـن
وياما أرخصوا من دونها غال الارواح
**
مواقفـن بانـت عليهـا براهـيـن
عون الضعيـف وللمعاديـن نطـاح
**
وياما انطحوا دونه وجيه الشياطيـن
ان صار باطراف العرب عج وصياح
**
حاموا على الديره مع العسر والليـن
يامـا أثمـرت بأثمـار ورد وتفـاح**

وأكل من أثمار ضعـوف ومساكيـن
والناس تدعي بالمساجـد بالاصبـاح
**
يدعـون بالعـزه لـدار الشريفيـن
دار بهـا الجيعـان يامـن ويرتـاح
**
الله ينصر من نصـر رايـة الديـن
وقاد السفينـه للفخـر خيـر مـلاح
**
يالله تنصرهـم بـجـاه المصلـيـن
وعدوهم بوسـط جهنـم اليـا طـاح
**
شيوخنـا اللـي يفتحـون الدواويـن
اللي على من زارهم ماهـم شحـاح
**
ويشهد لهم عصر مضى قبل هالحيـن
اخوان مريم مرويـة روس الارمـاح**

****

قلت ابكتب قصيده بيت شعر عن اليوم الوطني في الكويت
لكن هل قصايد الكون توفيج
ودي لو كل يوم اكتب جريده
ابين لج فيها مدى حبي و اصبحج فيها و امسيج
اليوم عيدج يا كويت و يا عسى كل اعيادج سعيده
لكن ما عرفت شلون اعبرلج و اغليج
عيد لكل من حب ديرتي اعيده
عيدكم صباح يا كويت اليوم هم يهنيج
هذا يوم نختاره من بد الايام
يوم تستانس فيه كل الانام
يوم 25 فبراير ننتظره كل عام
نزين فيه الكويت بكل الاعلام
يالي ضميتينا في حضنج سنين
على هالشي واجب نحمد رب العالمين
في عمرنا ما اصدرنا اي ونين
عسى ربي يحفظج لنا قولو امين
يارب تدوم الكويت رافعه الراس
ادعي لها من قلبي و بكل احساس
صرنا شعب ابد ما يعرف

****
قصيدة شعرية عن العيد الوطني الكويتي

ليل الكويت غدا يضيء فؤادي
فأمرت نفسي ان تعاف رقادي
ودعى الرؤى ولتتركيها ليلة
ما أجمل الرؤية لدى الاعياد
بلد توشح بالضياء كقبلة
فكأنه البدر الجميل الشادي
حل المساء على البلاد جميعها
إلا الكويت الصبح فيها غاد
أرأيت دارا في البسيطة صبحها
متواصل متجدد متماد
دار من الكرم الذي قد قدمت
بقيت وأمست قبله القصاد
فصنائع المعروف فرض نسيجها
من حاصل السقيا الى المقداد
لو كان حيا حاتم لرأيته
متفاخرا بصنائع الاحفاد
أرض عروس مثلما قالوا لها
صدق المقال بمقول النقاد
الشاعر / محمود عثمان
منهو مثل الكويت نخلة مداها الفضى ما تنكسر ابداً
منهو مثل الكويت
منهو مثل الكويت يعطيك كل الرضى يا طيب المعدن
منهو مثل الكيويت
منهو مثل الكويت ما ينحني أبداً إلا لرب البيت
منهو مثل الكويت
منهو مثل الكويت اكبر من المحنه الله عليك يا وطن
منهو مثل الكويت
نموت نموت نموت ويحيا الوطن
عمــار يــا أحلى وطن يــاكويت .. يادرة في جــيد الزمــن
عــزيزه والله ياكويت .. عزيز والله يا وطن
لو نلف الدنيا مانلقى مثيلج .. يشهد التاريخ جيل بعد جيل
غــالي الاعمــار ترخص في سبيلج .. حاكمج عادل ولج شعب أصيل ..