قصيدة عن الردي , شعر عن النذل , ابيات شعر عن النذل

[admin]

 

 

قصيدة عن الشعر الردي , ابيات شعر عن الشخص المنافق والردي

(( الردي لو تغرقه بطيب ماهو بطايب ))

جربت في الدنيا تجاريب شايب
وعرفت خلاني وميزت الأصحاب

وعرفت طبع الناس مخطي وصايب
ماني بخبلٍ تخدعه ضحكة الناب

وجنبت اانا العالم وبعض القرايب
البعض منهم قربهم عقرب وداب×

لو كان تعطيهم عيونك وهايب
ماينفعونك جيدهم عند الأجناب

ناسٍ يعادونك بليا سبايب
حط الحواجز دونهم واغلق الباب

بعض البشر قلبه من الحقد عايب×
لافيه طب وقلبه أسود من غراب

عنده نجاحك من كبار المصايب
وأذا سمع مدحك من الغير ينصاب

لولا الحيا سالت دموعه سكايب
مسكين من نار الحسد ماكل تراااب

اللي يذمك كل ماصرت غايب
وان جيت قدم لك تراحيب واعجاب

كبه ترى مثله مع الناس خايب
عادات ابو وجهين يكذب ويغتاب

لو تغرقه بالطيب ماهو بطايب
لاتنخدع في مثل شرواه لو طاب

تبقى الحقيقه يا زمان العجايب

الروس روس ولو يغارون الأذناب

أبــا أوصّــف الـخـوّه حـسـب مـنـطـق الـعـقّـال

وأبــا أمـيّـز المـخـطـي وأبـــا أمـيّــز الـصـايـب

خـــويٍ لـــو يـمـيـل الـدهــر بـالـوفـاء مـــا مـــال

نـهــج مـنـهـج الـوافـيـن مـــع مـنـهــج الـشـايــب

يصون الخوي في لازمـه وإن وقـف رجـال

وعــن الـحـق مــا هــو لا مـخـادع ولا هـايـب

ولا يــنـــكـــر الـــعـــشـــره ولا يـــتـــبـــع الـــجـــهّـــال

بــنــالــه بـطـيــبــه بـــيـــت فـالــمــنــزل الــطــايـــب

نهـض صيتـه بفعـلـه شجـيـع وكـريـم إسـبـال

ومـاهــو عـــن الـمـوقـف لـيــا صـوّتــو غـايــب

هـذا خـوتـه فيـهـا الـشـرف مــا علـيـه إجــدال

ينومـسـك مـــا أنـتــه فـيــه خـاســر ولا خـايــب

وخـــــــويٍ عـــلــــى مــاقــيـــل تـلــعــبّــه الاقــــــــوال

مــــع الــنــاس لا ودى ولا هــــو لــهــم جــايــب

يبيع الخـوي مـن شـان تضحـك لـه الانـذال


ومــن شــان يـرضـي راعــي المبـسـم الـرايـب

من الضعف يجحد كل معروف ماله حال

ردي يـتــبــع الـنــســوان فـــــي دنـيــتــه ســـايـــب

خـســاره عـلــى راس الـــردي فـالـلـيـال عــقــال

مـا دامـه علـى عـلـم الــردى حــارس ونـايـب

نصيـحـه تــرى الـخـوه لـهـا يالـرجـال إجــلال

لـكّــن احـــذرو مـــن خــــوّة الـخـايــب الـعـايــب

ورى المصلحه يمشي معك لو زمانه طال

وإذا أحتـجـت لـــه تـلـقـاه مـــن خـوتــك تـايــب