شعر عراقي عن التخرج مكتوب , كلمات تخرج عراقية قصيرة

[admin]

 

 

عبارات تخرج عراقية ، اشعار تخرج بالعراقي

اربع سنوات من عمري
هي عمري والباقي هباء
في اولها ضحكة خجل
منذ كنا فيها غرباء
فبنيناها بمواقفنا
ورابط فيهن وفاء
لكن الوقت يداهمنا
فالنترك كل الاشياء
وانلحك اعلى اللمه لاتنتهي
بس باجرونمشي على حكم القدر
حافظ ضحكهم كلمن وضحكته

معقولة ماننجمع بس هالشهر
وايامنه الحلوة سوالف تظل
وراح الكلب يعلن حداده
اخذوها مااريد الشهاده
انطوني صحباني النوو على السفر
وانراوي اهلنة هذا اخوي الصدك
نضحك ونلكه ادموعنه على الصور
وصحباني طلاب الاقسام العشت
وياهم على الحلوة وعلى المرة
اشلون بية وبيهم على الهجر
شنسه المواقف الضحك السهر
امسح ادموعك صعبة اشوفن دمع
لاخلنه نبجي الفركة كسرت ضهر
وكون الوكت مايعبر ابساع
ووي الاحبهم لاشبع اوداع
ترة الاثرن بية اشكال وانواع
بس مثل صحباني فلا بية اثر
وام الاعيون الهاوسع تنسي
ومااشوفها المارضت تكطع مهر
واشلون انساها
اذا بالسما يومية اشوفنها مكان الكمر


تعال ابرينه ذمه اليوم اخر يوم
واجه وكت البجي مطلوبه دمعتنه
غصبا نفترك والفركه شي محتوم
سواهه الزمان وراد فركتنه
وشتت كل شملنه وطشر الصحبان
ومانرجع بعد وتعود لمتنه
خلص عمر الشباب وضاعت الاحلام
وهب ريح التخرج طفه شمعتنه
الكليه انتهت والورد صب دموع
من شاف الحزن بشفاف ضحكتنه
واشوف النادي عزل بقة بس اثار
وبقه فارغ مكان البيه كعدتنه
وشالوهه الجداول وسدو القاعات
وبدون اسماء ضلت بيض لوحتنه
يسئلني القلم شبسرعه صار وداع
وتسئلني الدفاتر وين رحلتنه
فدوه انطونه فرصه انريد نبقه اهنا
ما ردنه الشهاده نريد صحبتنه
بعد فتره الزمن مهما يدور الكون
امانه الله لاتنسون ذكرتنه
وداعا للحديقه للقسم للطلاب
وداعا للصور وافراد دورتنه